இறகுகள்

 
                                  

                                       

                                         எப்படியேனும் கண்ணில் பட்டுவிடும்
                                         தினம்தோறும் ஏதேனும்
                                         பறவையின் இறகொன்று
                                         வெண்ணிறத்தில் சில இறகுகள்
                                         வெண்மையும்,  கருமையும்
                                         கலந்த நிறத்தில் சில இறகுகள்
                                         எந்த பறவை
                                         என்ன சொல்ல விழைகிறது
                                         என்று  புரியாமலே  
                                         சேகரித்து வைத்திருந்தேன்
                                         இறகுகள் அனைத்தையும்.
                                         வெறுமை தகித்த
                                         ஓர்  இருண்ட நாளில்
                                         இறகுகள் அனைத்திலும்
                                         வர்ணம் தீட்டி
                                         இயல்பு மாற்றிய வேளையில்
                                         அறை முழுவதும் பரவி 
                                         மின்னுகிறது
                                         உதிர்த்து சென்ற
                                         பறவைகளின் ஸ்நேகப்  புன்னகை.

.