அமைதி தவழும் பிரபஞ்சம்

                                            

                                                                                                                           
                                                                                                  
                                                வீடற்ற சிறுமியவள்
                                                வீதியில் உறங்குபவள்
                                                இரைச்சலற்ற இரவு
                                                ஒரு பொழுதும் அறியாதவள்
                                                இருத்தல் தொலைத்த இரவொன்றில்
                                                கடற்கரை மணலில் முகம்
                                                பதித்து கண்ணயர்ந்தாள்
                                                கலங்கிய நிலவது
                                                தன் அடர் வெளிச்சத்தில்
                                                அவளுக்கான பாதையமைத்து பார்த்திருந்தது
                                                எதிர்பட்ட ஒளிக்கதிர்களில்
                                                சிறு கால்கள் பதித்து
                                                நிலவின் மடியைச் சென்றடைந்தாள்
                                                நட்சத்திரங்களின் சிரிப்புகளுக்கிடையே
                                                தேவதைகளின் தாலாட்டில்
                                                நிர்மல துயில் கொள்கிறாள்
                                                அமைதியொன்று தவழ்கிறது
                                                பிரபஞ்சம் முழுவதும்.



.