ஐந்து நிமிட
அதிகாலை கனவில்
கொட்டியது கொடுக்குகள் நீண்ட
கருந்தேலொன்று.
வலி தெறித்த
பொழுதாகவே கழிந்தது
விடிந்த நாள் முழுவதும்.
பரிதியின் கதிர்கள்
சுட்டெரித்த அவ்வரங்கத்தில்
பேச்சுகள் நயமற்று ஒலித்தது
எள்ளல் பூசி பூரித்திருந்தது.
தலை சேர அனுமதியாமல்
மறுத்தளித்து நகர்ந்து வந்த
நேரம் வானில் அஸ்தமனம்.
நிறை நிலா கண் பார்த்து
ஜன்னல் பூத்தொட்டு
நாள் முடித்தும்
கனவில் குரைத்துகொண்டேயிருந்தது
அன்றைய இரவில்
நாய்கள் இரண்டு.
.
