Saturday, June 19, 2010

அமைதி தவழும் பிரபஞ்சம்

                                            

                                                                                                                           
                                                                                                  
                                                வீடற்ற சிறுமியவள்
                                                வீதியில் உறங்குபவள்
                                                இரைச்சலற்ற இரவு
                                                ஒரு பொழுதும் அறியாதவள்
                                                இருத்தல் தொலைத்த இரவொன்றில்
                                                கடற்கரை மணலில் முகம்
                                                பதித்து கண்ணயர்ந்தாள்
                                                கலங்கிய நிலவது
                                                தன் அடர் வெளிச்சத்தில்
                                                அவளுக்கான பாதையமைத்து பார்த்திருந்தது
                                                எதிர்பட்ட ஒளிக்கதிர்களில்
                                                சிறு கால்கள் பதித்து
                                                நிலவின் மடியைச் சென்றடைந்தாள்
                                                நட்சத்திரங்களின் சிரிப்புகளுக்கிடையே
                                                தேவதைகளின் தாலாட்டில்
                                                நிர்மல துயில் கொள்கிறாள்
                                                அமைதியொன்று தவழ்கிறது
                                                பிரபஞ்சம் முழுவதும்.



.

7 comments:

LK said...

arumai

பா.ராஜாராம் said...

கவிதைகள் எல்லாம் வாசிச்சேன் கீதா.(படித்ததில் பிடித்தது கூட)

நல்ல flow. ரொம்ப நல்லாருக்குங்க.

ராசராசசோழன் said...

கற்பனையை ஊற்றிவிட்டீர்கள்...வீடற்ற சிறுமியும் நிலவின் அரவணைப்பில்... மிக நன்று...

Madumitha said...

அனாதை என்று இங்கு
எவருமில்லை என்பதை
உங்கள் கவிதை
வழிமொழிகிறது.
நன்று.

கமலேஷ் said...

வீடிழந்த சிறுமியின் நிலவு உறக்கம்...

ரொம்ப நல்லா இருக்குங்க...

படமும் மிக பொருத்தம்...

வாழ்த்துக்கள் தோழி..

தொடருங்கள்...

Geetha said...

நன்றி LK.

ராஜாராம் அவர்களின் வருகைக்கும்,வாசிப்பிற்கும் மிக்க மகிழ்ச்சி, நன்றி.

நன்றி ராசராசசோழன், மதுமிதா.

நன்றி கமலேஷ்.

சி. கருணாகரசு said...

இரக்கமுள்ள கவிதை.

பாராட்டுக்கள்.

Post a Comment